lan

hoi zäme,

ändlech geds wedr mol en fetti lan-party bem rda dehei (wel scho vell pc's do umestönd)!
do findid er alli wechtige informatione, damit mer a dere lan au öpis chönd game
ond ned nor di ganzi ziit am installiere ond am computerproblem behebe send.

grobi agabe:
----------------------------------------------------------------------------------------------------

installation: donnschtig, 16.09.2010 ab ca. 1800
start: fritig, 17.09.2010 ab ca. 1800
end: sonntig, 19.09.2010 bes de letscht endlech hei esch...

das müend alli metnäh: lan kabel, ev. schnäps, fras, gueti luune
ev. metnäh: notebook, stuel, tesch (wiiters stohd unde...)

wener en pc vo mer wänd (han 3 - 4 zor verfügig) bitte melde, gnauers strohd unde.

am donnschtig chönd all verbicho wo ere eignig laptop metnähmed, zom d'games installe!

also bitte lesed de räschte unde au no und mälded eu per kommentar a und düend no
allfälligi reservatione durefüehre (laptop, pc, stuehl, etc...)
falls ers ned tschegged metem kommentar chönder mer au es sms schicke!

achtong: zuetrett zom lan-areal nor met obligatorischem schnauz!!

programm:
----------------------------------------------------------------------------------------------------

donnschtig:

- games installiere
- netzwerk irichte
- allfälligi pc problem behebe
- netzwerkkabel entchnote
- staub vom cpu lüfter entferne
- cpu's bes of maximum power overclocke
- am mirsat säge er söll alli abschloh

fritig:

- game

samschtig:

- game
- generals turnier

sonntig:

- witer game
- cpu's loh abchüele loh

mer fönd am donnschtig scho a damit mer denn echli chönd games installiere und so,
wel das emmer vell ziit brucht ond eim vom game abhalted.
wer sin eigne laptop metnimmt cha am donnschtig verbicho zom das züg scho vorinstalliere,
denn chöntemer am fritig scho afo game!
z.B. wener no möchted neu ufsetze (win7), wär natürli optimal.

available systems offered by rda:
----------------------------------------------------------------------------------------------------

ech han velli computer zor verfüegig, de schneller esch de gschwinder.
er chönd eu eine reserviere loh, sie send met gschwindigkeit in abstigender reihefolg sortiert.
ech mues die ide nöchschte täg no hardwaremässig echli zämestelle ond neu ufsetze,
also bitte bscheid geh wener eine wänd bruche.

- rda2 (pc, high end)
- alien (nb, gamer)
- rda3 (pc, gamer)

- lcd screen (1680x1050 4ms)

wer en pc vom rda wott benütze, mues selber folgendi sache metnäh:

- lan kabel
- muus
- taschtatur
- chopfhörer
- ev. bildshirm (ech han nor ein zuesätzleche)

games:
----------------------------------------------------------------------------------------------------

- generals (tournament)
- cod2mw4 (coop)
- hl2 (coop/tournament)
- roguespear (bunker_map 2vs2 macht emmer fun, au am 6i am morge)
- bf2 (chönntemer online game, ech glaub mer händ gnue lizenze)
- cs:source (oldschool halt)
- rune (dasmol wörklech, ech duenes vorbereite)
- quake III arena
- unreal tournament
- race games
- (bfbc2)

mer fallt ebe grad ned meh i, bitte mached vorschläg wenn no öpis fehlt.

infrastruktur:
----------------------------------------------------------------------------------------------------

- tisch/stuhl 1: rda (besetzt)
- tisch 2: (frei (ev 2 plätze))
- klappstuhl 1: (frei)
- klappstuhl 2: (frei)
- sofa: (2 plätze frei)

ev. müender no eue eigne stuehl metneh.
hed öpper no en tesch womer isi chan tranportiere? wär no guet!

allgemeine sachen:
----------------------------------------------------------------------------------------------------

floors:

- wohnzimmer: game- & rauchzone
- küche: passivraucherzone, bieruschank & erholigsrum
- bad: met rauch & biologische gas kontaminierti zone
- schlafzimmer: vip only (manu), nichtraucherzone, zuetrett nor met zuegangsberechtigung!

verpflegig:

ech organisiere normali getränk (wasser, gogi, istee unso...) & bier...
de räscht bitte selber metnäh.

teilnahmebestätigung:

bitte mälded eu doch do meteme kommentar a, ond schribed grad wenner öpis (pc, stüehl)
wänd reserviere, denn chani das züg vorbereite (ufsetze).

greez rda & solldah

comments:
----------------------------------------------------------------------------------------------------